Hymn 358 – BABA to da orun meje | C&S Yoruba Hymnary

BABA to da ọrun meje, Ati'lẹ meje pẹlu, Ayé lo se ẹkẹdogun, Iyin ni f'orukọ Rẹ. Ijinlẹ lọrọ na, Awamaridi si ni; Ijinlẹ lọrọ na, Awamaridi si ni. Orun, Osupa, Irawọ, Awọn ni 'mọlẹ ayé; Okuta Oniyebiye; Awọn ni 'mọlẹ 'salẹ. Ijinlẹ lọrọ na, Awamaridi si ni; Ijinlẹ lọrọ na, Awamaridi si ni. Abo Oluwa Onikẹ, L'awa Ẹgbẹ bora mọ; Ko s'ohun 'bi to le se wa, Lagbara Mẹtalọkan. Ijinlẹ lọrọ na, Awamaridi si ni; Ijinlẹ lọrọ na, Awamaridi si ni. Ẹni loyun a bimọ la, Agan a t'ọwọ b'osun; Ọlọmọ ko ni padanu, Iku ko ri wa gbe se. Ijinlẹ lọrọ na, Awamaridi si ni; Ijinlẹ lọrọ na, Awamaridi si ni. Ko s' ẹni ti n ri'di okun, A ki n ri'di ọlọsa, Baba to da ọrun oun ayé, Ma jẹ k'ayé r'idi mi. Ijinlẹ lọrọ na, Awamaridi si ni; Ijinlẹ lọrọ na, Awamaridi si ni. Awọn Agbara Ẹmi meje, Ta fi wọ HOLY MICHAEL To si fi sẹgun Lusifa, Lọjọ ogun Ọlọrun, Ijinlẹ lọrọ na, Awamaridi si ni; Ijinlẹ lọrọ na, Awamaridi si ni. Baba, Ọmọ, Ẹmi Mimọ , Mẹtalọkan to gunwa, Jọwọ ko gbọ adura wa, Larin Ẹgbẹ Séráfù. Ijinlẹ lọrọ na, Awamaridi si ni; Ijinlẹ lọrọ na, Awamaridi si ni. AMIN Ijinlẹ lọrọ na, Awamaridi si ni; Ijinlẹ lọrọ na, Awamaridi si ni.