Hymn 715 – JESU Olugbala wa | C&S Yoruba Hymnary

JESU Olugbala wa, Awa fi iyin fun Ọ, Fun 'dasi ati 'pamọ Rẹ, Lori wa lat' esi; A tun pejọ loni yi, Lati yin orukọ Rẹ, Awa Ọmọ Ogun Kristi, Kérúbù, Séráfù, Awa n s'ajọdun wa, L'oni niwaju Rẹ, Ogo, iyin ọla ni fun Mẹtalọkan lailai. Baba Mimọ bukun wa, Ninu ajọdun yi, Fi Ẹmi Mimọ Rẹ fun wa, At'agbara Ẹmi, K'a le sin Ọ ni Mimọ; Gba wa lọwọ ẹsẹ, Ayé, esu, idanwo, Fun wa ni isẹgun. Ki 'mọlẹ wa ma tan, Bi 'lu lori oke, Ẹ jẹ k'a juba fun Jesu, Ọba wa olore Ẹyin Ọm' ogun Kristi, Ẹ ku ewu ọdun, Ẹ fun ipe Ọdaguntan, Ti Baba fi fun yin; Ẹyin ti ẹ n fi suru, Ru agbelebu yin, Ẹ o si jọba lailai, Nigba 'pọnju ba tan, Ipe 'kẹhin dun tan, Fun idajọ ayé, Onidajọ arayé yọ, O gunwa lori 'tẹ. Ọpọ ẹlẹgbẹ wa ni, Ko ri ọjọ oni, Ninu idamu ayé yi, Ọpọ ti sako lọ, Jesu n pe l'ohun jẹjẹ, Pe ỌMỌ ma sako, Pada ọmọ imọlẹ, Sinu agbo Jesu. Ẹ kede jake jado, Fun awọn Keferi, Pe, ọjọ Oluwa de tan, Ẹ ronupiwada. Ọlọrun ni Ẹlẹda, Ọrun ati ayé, O n fun itanna l'awọ, O n mu irawọ tan, Iji gba ohun rẹ gbọ; O n bọ awọn ẹyẹ, Papa awa ọmọ Rẹ, T'o n bo lojojumọ, Ẹbun rere gbogbo, Lati ọrun wa ni, A dupẹ lọwọ Ọlọrun, Fun gbogbo ifẹ Rẹ. Igba wa mbẹ l'ọwọ Rẹ, Nin' ọdun t'a wa yi, Ọm'ogun Kristi, ẹ gbadura, Mẹtalọkan y'o gbọ, Iwọ l'a n wo t'a si n sin, Ma jẹ k'oju tiwa, Ma jẹ k'awa ọmọ Rẹ, Sọkun ni ainidi. Iwọ la gbẹkẹle, Iwọ ni 'reti wa, Ran wa lọwọ k'a le sin Ọ De opin ẹmi wa. AMIN