Hymn 574 – A KO ni 'bugbe kan nihin | C&S Yoruba Hymnary

A KO ni 'bugbe kan nihin; Eyi ba ẹlẹsẹ n'nu jẹ; Ko yẹ k'eniyan mimọ kanu, 'Tori wọn n fẹ sinmi t'ọrun. A ko ni 'bugbe kan nihin; O buru b'ihin jẹ‘le wa; K'iro yi mu inu wa dun, Awa n wa ilu nla t'o mbọ. A ko ni 'bugbe kan nihin; A n wa ilu nla t'a ko ri; Sion ilu Oluwa wa, O n tan imọlẹ titi lai. Iwọ ti n se 'bugbe ifẹ, Ibi ti ero gbe n sinmi; Emi 'ba n'iyẹ b'adaba; Mba fo sinu rẹ, mba sinmi. Dakẹ ọkan mi, ma binu, Akoko Oluwa l'o yẹ; T'emi ni lati se 'fẹ Rẹ, Tirẹ lati se mi l'ogo. AMIN