Hymn 042 – Iwo t'o n mu okan mole | C&S Yoruba Hymnary

1. Iwọ t'o n mu ọkan mọlẹ, Nipa 'mọlẹ atọrunwa; T'o si ń sẹ iri ibukun Sor'awọn ti n safẹri Rẹ. 2. Jọ masai fi ibukun Rẹ, Fun olukọ at'akẹkọọ; Ki ijọ Rẹ le jẹ mimọ, K'atupa rẹ ma jo gere. 3. F'ọkan mimọ fun olukọ, Igbagbọ, 'reti, at'ifẹ; Ki wọn j'ẹni t'Iwọ ti kọ, Ki wọn le j'olukọ rere. 4. F'eti igbọran f'akẹkọọ, Ọkan 'rẹlẹ at'ailẹtan; Talaka to kun f'ẹbun yi, San ju ọba ayé yi lọ. 5. 'Buk'olusọ: buk'aguntan, Ki wọn j'ọkan labẹ 'sọ Rẹ; Ki wọn ma f'ọkan kan sọna, Tit' ayé osi yi y'o pin. 6. Baba, b'awa ba n'ore Rẹ, Layé yi l'a ti l'ogo; K'a to kọja s'oke ọrun, L'a o mọ ohun ti aiku jẹ. AMIN