Hymn 295 – ARA, e wa ba mi sofo | C&S Yoruba Hymnary

ARA, ẹ wa ba mi sọfọ; Ẹ wa sọdọ Olugbala; Wa, ẹ jẹ k'a jumọ sọfọ; A kan Jesu m'agbelebu. Ko ha s'omije loju wa, Bi awọn Ju ti n fi sẹfẹ? A! ẹ wo, b'O ti tẹriba; A kan Jesu m'agbelebu. Ẹẹmeje l'O sọrọ ifẹ: Idakẹ wakati mẹta; L'o fi n tọrọ anu f'eniyan: A kan Jesu m'agbelebu Bu s'ẹkun, ọkan lile mi! p Ẹsẹ at'igberaga rẹ, L'o fa Oluwa rẹ l'ẹbi, A kan Jesu m'agbelebu Wa duro ti agbelebu, K'ẹjẹ ti n jade niha Rẹ, Ba le ma san le ọ lori; A kan Jesu m'agbelebu Ibanujẹ at'omije, Bere a ki o fi du ọ; 'Banujẹ l'o n f'ifẹ rẹ han; A kan Jesu m'agbelebu Ifẹ Baba, ẹsẹ ẹda, Nihin l'a ri agbara rẹ; Ifẹ l'o si di Asẹgun; A kan Olufẹ wa mọ'gi AMIN