Hymn 457 – Lala mi po, n ko ni 'sinmi laye | C&S Yoruba Hymnary

Lala mi pọ, n ko ni 'sinmi layé; Mo rin jinna, n ko r'ibugbe layé; Nikẹhin mo wa wọn laya Eni, T'O n'ọwọ Rẹ, t'O si ń pe alarẹ; Lọdọ Rẹ, mo r'ile at' isinmi: Mo si di Tirẹ, Oun si di temi. Ire ti mo ni, lat'ọdọ Rẹ ni; B'ibi ba de, o jẹ b'o ti fẹ ni; B'Oun j'ọrẹ mi, mo la bi n ko ri jẹ; L'aisi Rẹ, mo tosi bi mo l'ọrọ: Ayida le de; ere tab' ofo: O dun mọ mi, bi 'm' ba sa jẹ Tirẹ. B'ayida de, mo mo Oun ki yida; Orun ogo ti ki ku, ti ki wọ; O ń rin lor'awọsanma at'iji, O ń tanmọlẹ s'okunkun eniyan Rẹ: Gbogbo nkan le lọ, ko ba mi n'nu jẹ, Bi 'm' ba jẹ Tirẹ, ti Oun jẹ temi. A! layé, n ko mo idaji 'fẹ Rẹ; Labo ni mo ń ri, labo ni mo n sin; 'Gba mo ba f'oju kan loke lọhun, N ó fẹran Rẹ pọ, n ó si yin jọjọ: N ó wi larin egbe orin ọrun, Bi mo ti jẹ Tirẹ, t'O jẹ temi. AMIN